دارالتقوی سخاکوٹ مین ملاکنڈ  روڈ  پر واقع ایک فلاحی ادارہ ہے جو یتیم اور بے سہارا بچوں کی تعلیم و تربیت کے لیے قائم کیا گیا ہے۔ اس ادارے کا مقصد ان معصوم بچوں کو دینی و دنیاوی تعلیم فراہم کرنا ہے تاکہ وہ مستقبل میں ایک باوقار اور فائدہ مند شہری کے طور پر معاشرے میں اپنا کردار ادا کرسکیں۔ یہاں بچوں کو نہ صرف تعلیم دی جاتی ہے بلکہ ان کے لیے خوراک، لباس، اسٹیشنری اور زندگی کی دیگر بنیادی ضروریات کا بھی مکمل انتظام کیا جاتا ہے۔ دارالتقوی سخاکوٹ کی کاوش ہے کہ ہر یتیم بچہ تعلیم و اخلاق کے زیور سے آراستہ ہو کر اپنے خوابوں کو حقیقت میں بدل سکے اور قوم و ملت کے لیے روشنی کا چراغ بنے۔ یہ ادارہ ہر طبقے کے افراد کو یتیموں کی خدمت کے اس کارِ خیر میں شامل ہونے کی دعوت دیتا ہے۔ ہمارا یقین ہے کہ یتیم بچوں کی خدمت دراصل ایک روشن اور پرامن معاشرے کی بنیاد ہے۔